Við siglum áleiðis til Jamaica, nánar tiltekið til fæðingarbæjar Bob Marley, Ocho Rios. Þessi áfangastaður var ekki inni í upphaflegri áætlun en þar sem viðurspá var slæm fyrir Bahamas var ákveðið að breyta til.

Okkur er alveg sama, enda ekki verra að heimsækja Jamaica. Við vöknuðum í sól og sumaryl eða u.þ.b. 30 stiga hita og sól. Sannkallaður hátiðisdagur fyrir sólardýrin sem núna eru ekki aðeins tvö talsins í okkar hóp heldur fjögur eftir að Hannes og Inga bættust í hópinn. Sólardýrin ákváðu að nýta daginn til fulls og kreista alla þá geisla sem sólin bauð upp á. Ég ákvað að halda mig að mestu í skugganum eða alla vega klæða

af mér sólina þar sem húðin á mér framkallar ofnæmi af verstu gerð ef hún kemst í snertingu við of mikla sól. Jói ákvað hins vegar að skella sér í djúpu laugina og lagðist hann flatur við hliðina á sólardýrunum. Eftir sólríkan og afslappandi dag varð hann að játa sig sigraðan af sólinni enda orðinn eins og zebradýr á maganum. Alla varð síðan samferða Svövu og Jóa úr sólbaðinu og niður í klefa í lok dags en eins og henni er einni lagið tók hún vitlausa beygju þegar komið var úr lyftunni og í stað þess að fara til hægri inn ganginn eins og Svava og Jói tók hún vinstri beygju og stoppaði ekki fyrr en hún var komin að klefahurð númer 529. Hún lamdi á hurðina og að innan heyrðist eitthvað svar. Hún lamdi aftur og kallaði “Opnaðu Tói.” Að innan heyrðist sagt “No.” Þegar hún var í þann mund að fara ða berja aftur á hurðina kom klefaþjónn aðvífandi. Alla sagði við hann, “My husband is in there.” Klefaþjónninn svaraði: “No he is not.” “Yes he is.” Sagði Alla. “I know him. He will not answer.” Klefaþjónninn leit á hana og sagði: “I know him and I know he is not your husband. Please don´t knock on the door.” Þegar Alla ætlaði að fara aðmótmæla því sem þjónninn sagði var Svava kominn til þeirra. Hún benti Öllu á að klefinn hennar væri númer 729 en ekki 529.
Um kvöldið er formal kvöld þar sem allir klæða sig í sitt fínasta púss, hitta skipstjórann og gæða sér á kampavíni. Að morgni næsta dags verðum við í Jamaica.