thg

thg

Jæja elsku vinir og fjölskylda. Þetta er mitt blogg. Eða þannig. Í stað þess að vera með einhverja “blogg” vefsíðu sem þarf að uppfæra á mínútu fresti hef ég ákveðið að notast bara við e-mail blogg.

Jæja öll þið fölu og snjóhvítu þarna heima á Íslandi. Héðan er allt gott að frétta eins og vanalega. Hópur af náfölum íslendingum kom hingað í nótt og mér sýnist að þeir séu flestir búnir að stimpla sig inn. Liggja eins og hráviði í garðinum og lýsa allt upp með snjóhvítri húðinni.

Ég get bara sagt O.M.G. Hitinn hér hækkar með hverjum deginum og er sennilega kominn í 35 gráður núna. Í forsælu. Það er erfitt að vera í fötum og maður er eins og gatasigti þar sem allur vökvi sem maður lætur ofan í sig rennur samstundis út úr líkamanum. Svitabað er eina orðið sem er til yfir svona aðstæður.

Sólarvörninni er makað á maga, læri, leggi, handleggi, andlit, bak og hvar þar sem sést í bert skinn. Stuttbuxurnar eru brettar eins langt upp í nára og mögulegt er til að hámarka það svæði sem sólin nær til. Svona er útsýnið af svölunum.

Það er víst komið að því. Ég stend á gangstétt í borg tattóveruðu Bretanna, Benidorm. Hópurinn samanstendur af mér, Álfhildi, Sibbu, Eddu og Rögnu. Hryllingurinn er að hefjast. Ég einn míns liðs með fjórum kaupóðum konum í Benidorm þar sem hver tuskubúðin rekur aðra svo langt sem augað eigir. Hitinn er 32 gráður og klukkan er 17.00

Leita

Dagatal

« Ágúst 2020 »
Mán Þri Mid Fim Fös Lau Sun
          1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31